ԱՄՆ-ը զսպվածության կոչ է արել Հայաստանում քաղաքական հակամարտության բոլոր կողմերին

Միացյալ Նահանգները Հայաստանում բոլոր կողմերին զսպվածության կոչ է անում և գտնում է, որ զինված ուժերը չպետք է միջամտեն ներքին քաղաքականությանը։

Այս մասին փետրվարի 25-ին լրագրողների համար ճեպազրույցում հայտարարել Է Պետդեպարտամենտի մամուլի ծառայության ղեկավար Նեդ Փրայսը, փոխանցում է ՏԱՍՍ-ը։

«Մենք կոչ ենք անում բոլոր կողմերին զսպվածություն ցուցաբերել և զերծ մնալ ցանկացած գործողություններից, որոնք կարող են հանգեցնել լարվածության, ինչպես նաեւ խուսափել բռնությունից: Մենք բոլոր կողմերին հիշեցնում ենք ժողովրդավարության անսասան սկզբունքի մասին, որ պետության զինված ուժերը չպետք է միջամտեն ներքին քաղաքականությանը», - ասել է նա։

Փրայսի խոսքով՝ ԱՄՆ-ն դեռ որոշում չի կայացրել, թե Հայաստանում տեղի ունեցող իրադարձությունները կհամարեն հեղաշրջման փորձ, թե ոչ։