Արցախում այսօր ևս դադարեցվել են փրկարար ջոկատների որոնողական աշխատանքները

Եղանակային պայմանների պատճառով Արցախում այսօր ևս դադարեցվել են փրկարար ջոկատների որոնողական աշխատանքները։ Այս մասին հայտնում են Արցախի ԱԻՊԾ-ից:

VERELQ-ը հիշեցնում է, որ 2020 թվականի սեպտեմբերի 27-ից մինչև 2021 թվականի փետրվարի 13-ը ներառյալ կատարվել է 3577 դիակի դատաբժշկական փորձաքննություն:

Բացի այդ, փետրվարի 13-ի դրությամբ 428 փորձանմուշ գտնվում է ԴՆԹ փորձաքննության փուլում։

Փետրվարի 16-ի դրությամբ, ըստ Արցախի պաշտպանության բանակի հրապարակած ցուցակների՝ հայկական կողմի զոհերի թիվը 2364 է։

Փետրվարի 17-ի դրությամբ Արցախի արտակարգ իրավիճակների պետական ծառայությունը հայտնաբերել է 1485 զոհված զինծառայողների և քաղաքացիական անձանց աճյուններ։