«Իմ քայլը» արդեն նախկին իշխանություն է. Էդմոն Մարուքյան

«Լուսավոր Հայաստան» ըդդիմադիր խմբակցության ղեկավար Էդմոն Մարուքյանի կանխատեսումներով իշխանությունները անցկացնելու են արտահերթ ընտրություններ հունիսին:

Պատգամավորը վստահ է, որ իշխող ուժը չունի աջակցության այնպիսի մակարդակ, որի մասին իրենք հայտարարում են։ «Եթե նրանց մոտ այդպիսի բարձր վարկանիշները, ինչպես իրենք են ասում, այդ դեպքում ինչո՞ւ հրաժարվեցին արտահերթ ընտրությունների գաղափարից», - հարց տվեց Մարուքյանը։

Նա հավելել է, որ հենց ընտրություններն են բոլոր հարցերին պատասխան տալու՝ ցույց տալով, թե կա ընդդիմություն, և կա արդյոք իշխանություն երկրում։ «Մի բան ակնհայտ է. իշխող ուժի ներկայացուցիչները հնարավորություն չունեն հանգիստ քայլել փողոցներով։ Եվ ոչ թե այն պատճառով, որ երկրում ահաբեկչություն է, այլ նրանց ընդունած որոշումների և վարած քաղաքականության պատճառով։ Դա նրանց վարկանիշն է։ Խնդիր չկա, թող վայելեն այդ վարկանիշը», - համոզված է պատգամավորը։

Մարուքյանը նշեց, որ իշխանությունները փորձում են իրենց աթոռները պահել ժողովրդին ահաբեկելով «նախկինների» վերադարձի հեռանկարով, սակայն «նախկինները» ընդդիմադիր ուժերի միայն մի մասն են, երկրի ընդդիմության մեջ կան բազմաթիվ ուժեր, որոնք երբեք իշխանության գլուխ չեն եղել:

«Ըստ էության, իրենք արդեն նախկին են, պարզապես առայժմ դա չեն ընդունում», - նշել է նա՝ հավելելով, որ եթե իշխող ուժը թափ տա, այն պարզապես կփլուզվի։