Պատերազմին մասնակցած քաղաքացիները պահանջում են փոխատուցում. ակցիա ՊՆ-ի դիմաց

Պաշտպանության նախարարության դիմաց Ղարաբաղյան երկրորդ պատերազմին մասնակցած քաղաքացիները պահանջում են, որ իրենց հասանելիք գումարը փոխանցվի։ Նրանք պնդում են, որ իրենց հասանելիք գումարը չեն ստացել:


Դավիթ Հովհաննիսյանը, որը կամավոր հիմունքով է մասնակցել պատերազմին և առաջնագծից վերադարձել է նոյեմբերի 30-ին, նշում է, որ մինչ օրս տարբեր մարմինների են դիմել «մեզ դրամական փոխհատուցում տալու համար, մեր հարցին ոչ մեկ լուծում չի տվել»։


«Մարդ կար, ասում էր մեկ-երկու օր հետո ձեր հարցը լուծում կստանա։ Կառավարությանը դիմել եմ դեկտեմբերի 30-ին, դրանից երկու օր առաջ Պաշտպանության նախարարությանը, իսկ դրանից առաջ էլ դիմել էինք մեր հրամանատարությունը, երբ մեզ ստույգ պատասխան չտրվեց, մենք դեկտեմբերի 28-ին եկանք նախարարություն, մեզ ընդունեց գնդապետ Արա Առաքելյանը, ինքը մեզ ասաց, որ մաքսիմում դեկտեմբերի 30-ին մեր գումարները պետք է փոխհատուցվի, բայց դեկտեմբերի 30-ին գումարները չնստեց։ Ես կրկին կապվեցի Առաքելյանի հետ, վերջինս ասաց, որ տեղյակ է խնդրից եւ զեկուցել է։ Նա պատճառաբանեց, որ խնդիրը կապված է փաստաթղթերի հետ», - ասել է նա։


Նրա խոսքով, կապվել է նաեւ վարչապետի օգնական Նաիրի Սարգսյանի հետ, սակայն վերջինս նշել է, որ արձակուրդային օրերի հետ կապված իրենց հարցին շուտափույթ լուծում տրվել չի ստացվի, իսկ աշխատանքային օրերի մեկնարկին պես այդ հարցով կզբաղվեն։


Արդեն 2021թ․-ի աշխատանքային առաջին օրերը Դավիթ Հովհաննիսյանը հանդիպել է նաեւ գեներալ-մայոր Վարդան Ավետիսյանի հետ, ով ասել է, որ համապատասխան հանձնաժողովը այդ հարցով զբաղվում է եւ ամենաշատը այս շաբաթվա առաջիկա օրերը, այդ հարցը կլուծվի, սակայն գումարը կրկին չի նստել։


«Խնդրում ենք, որ գոնե մեզ մոտենան, պատճառաբանեն, թե ինչու մինչ օրս մենք չենք փոխհատուցվել։ Մենք նաեւ պահանջում ենք, որ ստույգ ասեն, թե երբ կլինի գումարը»,- նշեց նա։


 

Տպել

Թեմայի այլ նորություններ
Загрузка...