Զորքերը նախապատրաստվում են մարտական հերթապահության հերթափոխի

3-րդ զորամիավորման զորամասերից մեկում իրականացվել են մարտական հերթապահության հերթափոխի նախապատրաստական աշխատանքներ: Այդ մասին հայտնում են ՊՆ-ի մամուլի ծառայությունից:

Անցկացվել է հերթափոխի մեկնող անձնակազմի շարային ստուգատես, հրամանատարները​ ստուգել են դիրքերի ավագների մարտական փաստաթղթերը, զինծառայողներին հրահանգավորել մարտական հերթապահության կրման ընթացքում անվտանգության կանոնների պահպանման և մարտական խնդիրների վերաբերյալ։