Փաշինյանի հրաժարականը պահանջող ցուցարարները փորձում են փակել Երևանի մի շարք փողոցներ

ՀՀ վարչապետ Նիկոլ Փաշինյանի հրաժարականը պահանջող ցուցարարներն այսօր՝ դեկտեմբերի 8-ին, փորձում են փակել Երևանի մի շարք փողոցներ: Այժմ բողքի գործողություններ են տեղի ունենում Աբովյան, Տիգրան Մեծ և Մյասնկյան փղոցներում՝ կաթվածահար անելու նպատակով երթևեկությունը:

Տեղում աշխատում են ոստիկանական խմբեր, որոնք Փաշինյանի հրաժարականը պահանջող քաղաքացիներին սկզբից հորդորում են ազատել փողոցները, որն արհամարելու պարագայում ուժի կրառմամբ ենք նրանց հեռացնում փողոցներից:

Հայտնում են, որ ցուցարարները «Կամազ» բեռնատար մեքենաներով փակել են նաև Մյասնիկյան պողոտան: Ոստիկանությունը միջոցներ է ձեռնարկում երթևեկությունը կարգավորելու ուղղությամբ: Իսկ Մաշտոցի պողոտայում բողոքի ակցիա իրականացնելու ժամանակ բերման է ենթարկվել ՀՅԴ անդամ Գեղամ Մանուկյանը:

Այս պահին ցուցարարները փորձում են փակել նաև Տիգրան Մեծ պողոտան:

«Հայրենիքի փրկության շարժում»-ը տվեց մեկնարկը քաղաքացիական անհնազանդության բողոքի ակցիաների` ՀՀ վարչապետ Նիկոլ Փաշինյանի հրաժարականի պահանջով: Անհնազանդության ակցիաները կշարունակվեն մինչև 17:00-ն:

VERELQ-ը հիշեցնում է, որ ընդդիմությունը պահանջում է Նիկոլ Փաշինյանի հրաժարականը: Քիչ առաջ նույն պահանջով ուղերձ հղեց նաև Ն.Ս.Օ.Տ.Տ. Գարեգին Բ Ամենայն Հայոց կաթողիկոսը: