ԱԺ նիստն ընթանում է ընդդիմադիր խմբակցություններից մեկի բոյկոտի պայմաններում

Մեկնարկել են Ազգային ժողովի հերթական քառօրյա նիստերը: Ընդդիմադիր «Բարգավաճ Հայաստան» խմբակցությունը բոյկոտել է նիստը։ Բացակայում է նաեւ խորհրդարանի խոսնակ Արարատ Միրզոյանը։ Նիստը վարում են ԱԺ փոխնախագահներ Լենա Նազարյանը եւ Ալեն Սիմոնյանը:

Նիստի սկզբում ԱԺ փոխնախագահը ներկայացրել է «Իմ քայլը» խմբակցության երկու նոր անդամներ Հայկ Ծիրունյանին եւ Նարեկ Գրիգորյանին: Գրիգորյանը երդվեց պատգամավորին։

Ծիրունյանն ու Գրիգորյանը խորհրդարանում փոխարինեցին պատգամավորներ Գայանե Աբրահամյանին եւ Վարազդատ Կարապետյանին:

Երկու պատգամավորներն էլ մանդատները վայր են դրել Արցախի վերաբերյալ եռակողմ հայտարարության ստորագրումից հետո, Սակայն Աբրահամյանը դա արել է սկզբունքային նկատառումներից ելնելով, իսկ Կարապետյանը՝ պետական ծառայության անցնելու կապակցությամբ։