Վրաստանում Covid-19 նոր հակառեկորդ է գրանցվել. վարակվել է 45, բուժվել է 6 մարդ

Վրաստանում անցած օրվա ընթացքում հաստատվել է նոր տիպի կորոնավիրուսով վարակման 45 նոր դեպք, եւս 6 հիվանդ բուժվել է, հաղորդում է Վրաստանի կառավարության հատուկ Stopcov.ge կայքը:

Վարակվածների ընդհանուր թիվը կազմում է 1 729 մարդ, որոնցից 240-ը բուժման կուրս են անցնում, 1 321-ը բուժվել են (78%), 19-ը մահացել են: Արտասահմանից Վրաստան բուժման է տեղափոխվել երկրի 41 քաղաքացի, որոնցից 38-ը Աֆղանստանում ՆԱՏՕ-ի խաղաղապահ առաքելության զինծառայողներ են:

Բացի այդ, կարանտինի եւ մեկուսացման ռեժիմում գտնվում է 5 882 մարդ, 390 մարդ՝ բժիշկների հսկողության տակ գտնվող հիվանդանոցներում: