Կարմիր խաչը մինչ այժմ չի այցելել Ադրբեջան գերի ընկած հայ սպա Գուրգեն Ալավերդյանին. ԱԳՆ

Կարմիր խաչը մինչ այժմ չի այցելել Ադրբեջան գերի ընկած հայ սպա Գուրգեն Ալավերդյանին: Այս մասին ճեպազրույցի ժամանակ սեպտեմբերի 2-ին հայտարարեց ՀՀ ԱԳՆ խոսնակ Աննա Նաղդալյանը:

Նրա խոսքով, աշխատանքներ են իրակացվում Բաքվի կարմիր խաչի գրասենյակի հետ այցելություն կազմակերպելու նպատակով:

VERELQ-ը հիշեցնում է, որ օգոստոսի 22-ին ժամը 19:30-ի սահմաններում մարտական հենակետը ստուգելու նպատակով սպա Գուրգեն Ալավերդյանը եղանակային խիստ անբարենպաստ պայմանների պատճառով շփոթվել և մոլորվել է: Իրականացվում են որոնողական աշխատանքներ: Առաջին իսկ օրվանից փորձում է մոլորված Ալավերդյանին ներկայացնել որպես դիվերսանտ:

Ավելի վաղ ՀՀ պաշտպանության նախարար Դավիթ Տոնոյանը հայտարարել էր, որ ծառայողական քննության արդյունքում կհասկանանք, թե ինչպես է դա տեղի ունեցել. «Պետք է դեռ պարզենք՝ արդյոք մեր զինծառայողը առևանգվել է, թե այլ պայմաններ են եղել։ Դրանից կախված՝ տարբեր միջազգային կառույցներում տարբեր ձևաչափերով կաշխատենք: Այս պահին հայկական կողմի պահանջն Ադրբեջանում Կարմիր խաչի ներկայացուցչության կողմից հայ սպային այցելելն է», - նշել է նա: