Հայաստանում Վրաստանի դեսպանությունում իջեցվել է Վրաստանի պետական դրոշը

Հայաստանում Վրաստանի դեսպանությունում իջեցվել է Վրաստանի պետական դրոշը՝ ի հիշատակ Վրաստանում Շատիլի ճանապարհին տեղի ունեցած ողբերգական ավտովթարի հետևանքով զոհվածների։

Այս մասին տեղեկացնում է ՀՀ-ում Վրաստանի դեսպանությունը Facebook-ի իր էջում:

VERELQ-ը հիշեցնում է, որ Վրաստանում օգոստոսի 25-ը հայտարարվել է սգո օր:

Օգոստոսի 23-ին Շատիլիի ճանապարհին տեղի ունեցած ավտովթարի հետևանքով մահացել է 17 մարդ: Ծանր վիրավորվել է երեք ուղևոր: Տուժածների վիճակը ծայրահեղ ծանր է: