Հարությունյանը ազատել է Քաշաթաղի վարչակազմի ղեկավարին՝ որդուն աշխատանքի տեղավորելու համար

Արցախի նախագահ Արայիկ Հարությունյանն աշխատանքից ազատել է Քաշաթաղի շրջանի վարչակազմի ղեկավար Արտյոմ Սարիբեկյանին՝ իր հանձնարարականին չհետևելու պատճառով:

«Այն է՝ պաշտոնական դիրքի չարաշահմամբ որդուն իր ենթակայությամբ վարչակազմի աշխատակազմում գործի ընդունելը:

Նորից եմ դիմում պետական բարձրաստիճան պաշտոնյաներին. բոլոր հանձնարարականներիս կատարման հարցում լինելու եմ հետևողական, իսկ ձեր խնդիրը Հայրենիքին բարեխղճորեն ծառայելն է միայն: Այլապես միասին աշխատելու եզրեր չեն լինի»,- Facebook-ի իր էջում գրել է Արցախի նախագահը: