Ուկրաինայի փոխարտգործնախարարին քրեական հետապնդում է սպառնում

352

Հետաքննությունների պետական բյուրոն քրեական վարույթ է հարուցել Ուկրաինայի Քրեական օրենսգրքի 367-րդ հոդվածով ՝ հիշողության օրվան ընդառաջ պետծառայողներին ուղղված զարմանալի ուղերձի վերաբերյալ: Այս մասին Facebook-ի իր էջում հայտնել Է Ուկրաինայի ժողովրդական պատգամավոր Դարյա Վոլոդինան։


«Այդ փաստաթղթի ստորագրողը ընկեր Բոդնարուն է (Ուկրաինայի ԱԳ փոխնախարար Վասիլի Բոդնարը - VERELQ), հերթական բարև, միայն հիմա արդեն իրավապահ մարմիններից: Ոչ ոք իրավունք չունի նախ իր սուբյեկտիվ կարծիքը սերմանել ամբողջ երկրում, երկրորդ՝ ծառայողական դիրքն օգտագործել նույն նպատակով, և երրորդ՝ պաշտոն զբաղեցնել՝ բացարձակ վնասակար տարր լինելով միջազգային ասպարեզում մի ամբողջ պետության հեղինակության համար», - գրել է նա։



VERELQ-ը հիշեցնում է, որ Հայոց ցեղասպանության տարելիցին ընդառաջ Ուկրաինայի փոխարտգործնախարար Վասիլի Բոդնարը նամակով դիմել է երկրի պաշտոնյաներին ՝ կոչ անելով նրանց չմասնակցել Հայոց ցեղասպանության 105-րդ տարելիցի հիշատակի միջոցառումներին և հրաժարվել «Հայոց ցեղասպանություն» եզրույթի օգտագործումից:


 

Տպել

Թեմայի այլ նորություններ
Загрузка...