«Մենք ամուր ենք մեր լեռների պես». առաջնագծի զինծառայողների կոչը ՀՀ քաղաքացիներին

Վազգեն Սարգսյանի անվան ռազմական համալսարանի մարշալ Հ. Բաղրամյանի անվան հրամանատարաշտաբային ֆակուլտետի պետ Արծրուն Հովհաննիսյանը ֆեյսբուքյան իր էջում տեսանյութ է հրապարակել, որում առաջնագծում ծառայող զինծառայողները կոչով դիմում են ՀՀ քաղաքացիներին՝ վստահեցնելով անհոգ լինել:

«Սիրելի հայ ժողովուրդ, ես եւ իմ համածառայակիցները հավաքվել ենք առաջնագծում եւ կատարում ենք մեր առջեւ դրված մարտական խնդիրը»,- ասված է առաջնագծում ծառայող հայ զիծառայողների ուղերձում: 

«Վստահեցնում եմ ձեզ, որ անհոգ լինեք եւ զբաղվեք ձեր առօրյա գործունեությամբ, քանզի՝ մենք ամուր ենք մեր լեռների պես»,- եզրափակում են զինծառայողները:

Հիշեցնեն, որ այսօր ՀՀ ՊՆ մամուլի խոսնակ Շուշան Ստեփանյանն էլ ֆեյսբուքյան իր էջում տեղեկացրել էր, որ 3-րդ զորամիավորման բոլոր զորամասերի զորացրման ենթակա ժամկետային պարտադիր զինծառայողները միահամուռ դիմել են իրենց հրամանատարությանը՝ խնդրելով դադարեցնել զորացրումները և թույլատրել շարունակել ծառայությունը իրենց համածառայակիցների ու հրամանատարների կողքին, քանի դեռ հաղթանակի վերջակետը դրված չէ, և քանի դեռ հակառակորդը ոտնձգությունների մտադրություն ունի: