Հրայր Թովմասյանը և Արևիկ Պետրոսյանն արձակուրդում են

Սահմանադրական դատարանի նախագահ Հրայր Թովմասյանը և ՍԴ անդամ Արևիկ Պետրոսյանը հունիսի 25-ից արձակուրդ են վերցրել: Նրանք գտնվում են արձակուրդում:

Այդ մասին տեղեկատվությունը հաստատել է Սահմանադրական դատարանի աշխատակազմի ղեկավար Էդգար Ղազարյանը՝ հավելելով, որ այս պահին ՍԴ նախագահի պարտականությունները կատարում է Ալվինա Գյուլումյանը:

Ղազարյանը չգիտի, թե ե՞րբ արձակուրդից կվերադառնա Թովմասյանը, քանի որ «դատավորները իրենք են որոշում իրենց աշխատանքային գրաֆիկը»:

Նշենք, որ հունիսի 25-ին պաշտոնական տեղեկագրում հրապարակվել և այսօրվանից ուժի մեջ են մտել ՀՀ Սահմանադրության փոփոխությունները, համաձայն որոնց պաշտոնանկ են արվել ՍԴ երեք դատավորներ: ՍԴ նախագահի պաշտոնում դադարեցվել է Հրայր Թովմասյանի պաշտոնավարումը։