Կառավարության անդամների համատարած թեստավորում անցկացնել չի նախատեսվում. Մանե Գևորգյան

147

Վարչապետ Նիկոլ Փաշինյանի՝ կորոնավիրուսային դրական թեստի վերաբերյալ ցանկանում եմ հայտնել, որ կառավարության անդամների և վարչապետի աշխատակազմի համատարած թեստավորում անցկացնել չի նախատեսվում։


Այդ մասին ֆեյսբուքյան իր էջում գրել է վարչապետի մամուլի խոսնակ Մանե Գևորգյանը՝ նշելով, որ անհրաժեշտության դեպքում թեստավորում կիրականացվի բժշկական ցուցումով։


«Վարչապետի հետ շփում ունեցած կառավարության անդամները պահպանել են սահմանված կանոնները՝ դիմակների կրում, սոցիալական հեռավորություն, ախտահանիչ նյութերի օգտագործում և այլն։


Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։ Վարչապետի ինքնազգացողությունը լավ է», - ասված է նրա գրառման մեջ։



VERELQ-ը հայտել էր, որ ՀՀ վարչապետ Նիկոլ Փաշինյանն ու իր ընտանիքի բոլոր անդամները վարակվել են կորոնավիրուսով: Փաշինյանի խոսքով, որևէ ախտանշան չի ունեցել, բայց քանի որ առաջնագիծ մեկնելու պլաններ կային՝ որոշել է թեստավորվել և թեստը դրական է եղել: Դրանից հետո թեստավորվել են ընտանիքի բոլոր անդամները և դարձյալ դրական պատասխան.


 


 

Տպել

Թեմայի այլ նորություններ
Загрузка...