Ռադայից հետ է կանչել Միխեիլ Սաակաշվիլիին Ուկրաինայի փոխվարչապետ նշանակելու առաջարկը

Ուկրաինայի կառավարությունը Գերագույն ռադայից հետ է կանչել Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլիին բարեփոխումների հարցերով փոխվարչապետ նշանակելու առաջարկը: Այս մասին գրում է ՏԱՍՍ-ը։

Երկար բանակցություններից հետո «Ժողովրդի ծառա» խմբակցությունում 248 պատգամավորներից հաջողվել է ստանալ միայն 140-170 ձայն Սաակաշվիլիի նշանակման օգտին:

Եվ քանի որ իշխանական խմբակցությունում համապատասխան աջակցություն չկա, Ուկրաինայի նախագահ Վլադիմիր Զելենսկին որոշում է կայացրել հրապարակավ ելույթ չունենալ ի պաշտպանություն Սաակաշվիլիի թեկնածության: