ԱՄՆ-ը Թուրքիային կտրամադրի կառավարվող ավիառումբեր

Պենտագոնը երկու ամերիկյան ընկերությունների հետ 683 միլիոն դոլարի պայմանագրեր է կնքել՝ BLU-109 կառավարվող բետոնախոցիչ ավիառումբերի ստեղծման համար, որոնք տրամադրվելու են Թուրքիայի զինված ուժերին:

Թուրքիայի ՊՆ ներկայացուցիչը հայտարարել է, որ համաձայնագիրը ժամանակին է կնքվել, քանի որ իրենք այժմ ակտիվ ասիմետրիկ մարտական գործողություններ են վարում և կառավարվող ռումբերն իրենց անհրաժեշտ են, փոխանցում է Դիֆենս նյուզը:

Պենտագոնը պայմանագրեր է կնքել Ellwood National Forge և General Dynamics Ordnance and Tactical Systems ընկերությունների հետ: ԱՄՆ-ը այդպիսի ռումբեր է օգտագործել Իրաքի և Աֆղանստանի ռմբակոծությունների ժամանակ: