Ունենալու է պետական բյուջեի եկամուտների թերակատարում. ՊԵԿ նախագահ

156

Կորոնավիրուսի հարուցած դժվարություններով պայմանավորված Հայաստանն ունենալու է պետական բյուջեի եկամուտների թերակատարում: Այս մասին հայտարարել է ՊԵԿ նախագահ Դավիթ Անանյանը՝ նշելով, որ այժմ պատրաստ չէ ասել թե կոնկրետ որքան:


«Հիմա պատրաստ չեմ պատասխանել հարցին թե որքան կլինի այդ թերակատարում, եւ ոչ ոք պատրաստ չէ», - ասաց նա մարտի 19-ին լրագրողների հետ հանդիպման ժամանակ:


«Ապրանքաշրջանառությունը նվազել է, ՀԴՄ կտրոնների քանակը՝ ևս, քանի որ հանրային սննդի ոլորտի մեծ մասը չի գործում։ Առևտրում վերջին օրերի փոփոխությունները դեռ էական չեն՝ դրանք, հավանաբար, առջևում են», - ասաց նա։


Նրա խոսքով, ՊԵԿ-ն անում են ամեն ինչ, որպեսզի հարկային վարչարարությունը, հարկ վճարողների հետ լավ հարաբերությունները պահպանվեն:


«Թե ինչ զարգացումներ կլինեն, բոլոր զարգացումներին պատրաստ ենք: Նաև կանֆինանսական միջոցներ ներգրավելու թե աղբյուրներ, թե հնարավորություններ, որոնք կմեղմեն հարկաբյուջետային քաղաքականության մեջ սպասվող դժվարությունները»,-ասաց Անանյանը:


Նա նշել է, որ հարկային վարչարարությունն իրականացվում է նույն ծավալով, նույն խստությամբ։


ՊԵԿ նախագահը նաև հայտարարեց, որ երկրում կորոնավիրուսի պատճառով հայտարարված արտակարգ դրության պայմաններում տնտեսվարողներին, փոքր ու միջին ձեռնարկություններին հարկային արտոնություններ, հետաձգումներ կամ հարկային արձակուրդներ չեն տրամադրվի:


«Լինելու է թիրախային օժանդակություն՝ անտոկոս փոխառությունների, սուբսիդավորման, փոխառությունների համաֆինանսավորման, վերաֆինանսավորման, սոցիալական օժանդակությունների տեսքով», - ասաց նա հավելելով որ հնարավոր է կառավարությոնը կարողանա ներգրավել գումարներ և որպես ներդրումային օժանդակություն տրամադրվել բիզնեսին։


Կառավարությունը նախատեսվում է 25 մլրդ դրամի աջակցություն բիզնեսին, նույքան էլ լինելու է սոցիալական փաթեթը: Գործադիրը ձևավորել է տնտեսվարողների համար պոտենցիալ վարկային պրոդուկտների շարք: Դրանք երեքն են և ենթադրում են վարկերի համաֆինանսավորում, վարկերի վերաֆինանսավորում և տոկոսների սուբսիդավորում:


Շուրջ 80 մլրդ դրամ էլ ուղղվելու է «վաղվա օրվան»: Այն է՝ պատրաստել տնտեսությունը հետճգնաժամային «ժամանակների պարամետրերին»:

Տպել

Թեմայի այլ նորություններ
Загрузка...