Գյուլենն Էրդողանին համեմատել է Հիտլերի և Ստալինի հետ

Թուրք կրոնական քարոզիչ Ֆեթուլահ Գյուլենը, ով բնակվում է ԱՄՆ-ում, Թուրքիայի նախագահ Ռեջեփ Թայիփ Էրդողանին համեմատել է Ադոլֆ Հիտլերի և Իոսիֆ Ստալինի հետ:

Ըստ նրա, Էրդողանը ցանկանում է դառնալ իսլամական աշխարհի նոր առաջնորդ: Սակայն Էրդողանը Մերձավոր Արևելքում աջակցել է գործընթացներին, որոնք հանգեցրել են սուննիների միջև հակամարտության:

Նրա խոսքով, Էրդողանի գործողությունները թելադրվում են խանդով, ատելությամբ և վրեժով:

Գյուլենն Էրդողանի համար կանխատեսում է նույն ճակատագիրը, ինչ ունեին Հիտլերն ու Ստալինը: