Պատերազմը կարող է բերել անկանխատեսելի հետևանքների. Բաբայան

Մեզ համար և՛ Իրանն է եղբայրական երկիր, և՛ ԱՄՆ-ն: Մենք ուզում ենք, որպեսզի բոլոր հարցերը կարգավորվեն խաղաղ ճանապարհով: Չենք ցանկանա, որպեսզի իրավիճակն էլ ավելի վատթարանա, քանի որ այս պատերազմը կարող է բերել անկանխատեսելի հետևանքների: Այս մասին Facebook-ի իր էջում գրել է Արցախի նախագահի խոսնակ Դավիթ Բաբայանը:

«Առաջին հերթին այս պատերազմին ուշիուշով սպասում է Ադրբեջանը, որպեսզի Իրանից պոկի տարածքներ, որը բերելու է կատաստրոֆիկ հետևանքների: Եթե իրավիճակը գնա ամենավատ սցենարով, ապա այն բերելու է սարսափելի և ողբերգական հետևանքների»,- գրել է նա:

Հիշեցնենք, իրավիճակը Մերձավոր Արևելքում սրվեց հունվարի 3-ին, երբ ԱՄՆ-ն հրթիռային հարված հասցրեց Բաղդադի օդանավակայանի շրջակայքին, ինչի հետեւանքով սպանվեց Իսլամական հեղափոխության պահապանների կորպուսի (Իրանի ԶՈւ էլիտար ուժեր) հատուկ նշանակության ուժերի հրամանատար Ղասեմ Սուլեյմանին։