Իրանի դեսպան. Թեհրանը և Մոսկվան պետք է կտրուկ աճի հասնեն տնտեսական հարաբերություններում

Թեհրանը և Մոսկվան պետք է կտրուկ վերելք ապահովեն տնտեսական հարաբերություններում, կողմերը մեծ ներուժ ունեն, սակայն տնտեսության բնագավառում կապերը պատշաճ մակարդակի վրա չեն, հայտարարել է ՌԴ-ում Իրանի նորանշանակ դեսպան Քազեմ Ջալալին:

Քաղաքական ոլորտում Իրանի և Ռուսաստանի հարաբերությունները լավ մակարդակի վրա են, ավելացրել է դեսպանը, նշելով այն ուղղությունները, որոնցում կողմերին անհրաժեշտ է ավելին անել:

«Իսկ համագործակցության մյուս ուղղությունը տնտեսական սեկտորն է: Ապրանքաշրջանառության ծավալը երկու երկրների միջև մեծ չէ՝ 2 մլրդ դոլարից պակաս: Իմ կարծիքով՝ այդ ցուցանիշն անհրաժեշտ է մեծացնել», - ասել է Ջալալին: