Արևելյան գործընկերության նպատակը հարևան երկրները Ռուսաստանից կտրելն է. Լավրով

Եվրամիության «Արևելյան գործընկերություն» նախաձեռնության նպատակը Ռուսաստանից հարևան երկրներին կտրելն է: Այս մասին հայտարարել է ՌԴ ԱԳ նախարար Սերգեյ Լավրովը:

Նրա խոսքով, այդ եսասիրական քաղաքականության տխուր հետևանքները զգացվում են մինչ օրս:

Արևելյան գործընկերությունը նպատակ ունի կյանքի կոչել ԵՄ-ի և 6 հետխորհրդային երկրների քաղաքական և տնտեսական ինտեգրացիան: Այդ երկրներն են՝Ադրբեջանը, ՀՀ-ն, Բելառուսը, Վրաստանը, Մոլդովան և Ուկրաինան: