Թրամփը ստորագրել է հրամանագիր ԱՄՆ-ում հակասեմականության դեմ պայքարի մասին

ԱՄՆ նախագահ Դոնալդ Թրամփը ստորագրել է հրամանագիր երկրում հակասեմականության աճին դիմակայելու մասին։ Ստորագրման արարողությունը տեղի է ունեցել Սպիտակ տանը, հրեական կազմակերպությունների ներկայացուցիչների մասնակցությամբ։

«Նախագահի հրամանագիրը բացատրում է, որ, համաձայն 1964 թվականի քաղաքացիական իրավունքների մասին օրենքի, հակասեմականությունը խտրականություն է ցեղական, մաշկի գույնի կամ ազգության հատկանիշներով»,- նշել են Սպիտակ տան մամուլի ծառայությունում։

Թրամփը հանձնարարել է նախարարություններին եւ գերատեսչություններին միջոցներ ձեռնարկել այդ երեւույթի դեմ պայքարի համար։