Ամերիկացիների կեսից ավելին պաշտպանում է Թրամփի իմպիչմենթը

ԱՄՆ-ի բնակիչների կեսից ավելին աջակցություն է հայտնել երկրի նախագահ Դոնալդ Թրամփի իմպիչմենթի ընթացակարգ սկսելուն: Այդ մասին վկայում է հասարակական կարծիքի հարցումը, որն անցկացվել է WSJ-ի եւ NBC-ի պատվերով:

Հարցվածների 55 տոկոսը համաձայն է Դեմոկրատական կուսակցության նախաձեռնությանը: Նրանց 24 տոկոսը կարծում է, որ ընթակարգի համար հիմքերը բավարար են: Հարցման մասնակիցների մոտավորապես երրորդ մասը դեմ է հանդես եկել ԱՄՆ-ի նախագահի իմպիչմենթ նախաձեռնելու գաղափարին:

Թրամփի աշխատանքի հավանության վարկանիշը կազմում է 43 տոկոս եւ մնում է անփոփոխ: