28.03.2024
Ամուլսարի հարցով դիրքորոշումը պետք է լինի իրավական. Փաշինյան
prev Նախորդ նորություն

Նորություններ գործընկերներից

Վարչապետը Մեղրու ազատ տնտեսական գոտու շահագործման խնդրում նախկիններին է մեղադրում

Մեղրու ազատ տնտեսական գոտու հարակից հողերի ապօրինի սեփականաշնորհման հետ կապված քրեական գործը գտնվում է դատարանում: «Արմենպրես»-ի փոխանցմամբ՝ այս մասին սեպտեմբերի 11-ին ՀՀ Ազգային ժողովում կառավարության հետ հարցուպատասխանի ընթացքում «Բարգավաճ Հայաստան» խմբակցության անդամ Միքայել Մելքումյանի հարցին ի պատասխան ասաց ՀՀ վարչապետ Նիկոլ Փաշինյանը:


«Անցյալ տարի ես այց կատարեցի Մեղրի, նաև այցելություն ունեցա Մեղրու ազատ տնտեսական գոտի, որի ընթացքում պարզվեց, որ այն հողատարածք չունի, որովհետև այն ժամանակ, երբ բարձրաստիճան որոշ պաշտոնյաներ տեղեկացել են, որ այդտեղ լինելու է ազատ տնտեսական գոտի, շատ ճարպկորեն կողքի հողերը սեփականաշնորհել են, և արդյունքում ստացվել է, որ կա ազատ տնտեսական գոտու մի շենք, ավտոկանգառ և ուրիշ ոչինչ: Այսինքն՝ փաստացի տարածք չկա այնտեղ գործունեություն ծավալելու: Այդ փաստից հետո հարուցվել է քրեական գործ, և սկսվել է ընթացակարգ այդ հողերի ապօրինի սեփականաշնորհումները հետ շրջելու համար, որպեսզի ազատ տնտեսական գոտին իրոք ազատ տնտեսական գոտի դառնալու հնարավորություն ունենա: Հիմա այդ հարցը դատարանի օրակարգում է»,- ասաց վարչապետը:


Նիկոլ Փաշինյանը նշեց նաև, որ Մեղրու անցակետի արդիականացման շատ խոշոր ծրագիր կա, և այդ նախագիծը հնարավոր կլինի իրականացնել 2023թ.:

ELARD-ի հաշվետվության մեջ սխալ տվյալներ կան. նախարարը նոր ստուգումների կարիք է տեսնում
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար