Մուրադյան & Թորոսյան. նախկին նախարարը դատի կտա գործող նախարարին

Երևանի պետական բժշկական համալսարանի ռեկտոր Արմեն Մուրադյանը պատրաստվում է դատական հայց ներկայացնել ՀՀ առողջապահության նախարար Արսեն Թորոսյանի դեմ։

Ինչպես հայտնել է ԵՊԲՀ-ի աշխատակազմի ղեկավար Շուշան Դանիելյանը, ներկայումս իրավաբանները նախապատրաստում են հայցադիմումը, իսկ թե ինչ պահանջներ են ներառված լինելու դրանում կմանրամասնվի ավելի ուշ: 

Հիշեցնենք, նախօրեին առողջապահության նախարար Արսեն Թորոսյանի ասուլիսի ժամանակ ներս է մտել մանկական ուռուցքաբան, նախարարի նախկին խորհրդական Գևորգ Թամամյանը: Վերջինս հայտարարել է, որ  որոշ հարցեր ունի նախարարին, սակայն Թորոսյանը լքել է ասուլիսի դահլիճը:

Ավելի ուշ առողջապահության նախարարը հայտարարել է, որ այդ ամենն իր դեմ պլանավորած արշավ է, որի հեղինակը Արմեն Մուրադյանն է: