Կառավարությունը 7,4 մլրդ դրամով կավելացնի ճանապարհաշինությանն ուղղված ծախսերը

Կառավարությունը 7,4 մլրդ դրամով կավելացնի ճանապարհաշինության նպատակով նախատեսված ծախսերը: Համապատասխան որոշումն ընդունվեց այսօր կառավարության նիստում:

Իր խոսքում ՀՀ վարչապետ Նիկոլ Փաշինյանը նշեց, որ այդ միջոցներն առաջացել են 2019 թվականի բյուջեի 62 մլրդ դրամով գերակատարման արդյունքում:

Հատկացված գումարը կուղղվի 12 ճանապարհների՝ 78,59 կմ  միջին նորոգման աշխատանքներին ու շուրջ 20 կմ հիմնանորոգման աշխատանքներին:

Հիշեցնենք, այս տարվա բյուջեով նախատեսված էր իրականացնել 320 կմ ճանապարհի հիմնանորոգման աշխատանքներ.

«Ֆինանսավորման հետ կապված խնդիր չկա, մնում է, որ ամեն ինչ արվի որակով ու ժամանակին»,- ասաց վարչապետը: