29.03.2024
ԱՄՆ-ն փորձագետներ է ուղարկում Հայաստան անցումային արդարադատության ներդրման համար
prev Նախորդ նորություն

Նորություններ գործընկերներից

«Սասնա Ծռերի» հակառուսական պլատֆորմը վտանգում է ՀՀ-ի ազգային անվտանգությունը

«Սասնա Ծռեր» համահայկական կուսակցության Քարտուղարությունը տարածել է հայտարարություն, որով դատապարտում է երեկ՝ 2019 թ. մայիսի 21֊ին, Արամ Խաչատրյան համերգասրահում Եվրոպայի օրվան նվիրված համերգի ժամանակ Հայաստանում ԵՄ պատվիրակության ղեկավար, դեսպան Պյոտր Սվիտալսկու դեմ կատարված ակցիան։


«Ակցիայի մասնակիցները ռուսական 5-րդ շարասյան ակտիվիստներ էին, որոնք չեն ներկայացնում Հայաստանի Հանրապետությունը և հայ ժողովրդին ու նրա մշակույթը։Մեր զորակցությունն ենք հայտնում հարգարժան դեսպան Պյոտր Սվիտալսկուն և մաղթում ենք նորանոր ձեռքբերումներ իր կարևոր և պատվավոր առաքելությունն իրականացնելու գործում»,-ասված է հայտարարության մեջ։


Նշենք, որ Օպերայի շենքի մոտից ոստիկանները նախօրեին բերման են ենթարկել «Ադեկվադ» ՀԿ անդամներ Կոնստանտին Տեր-Նակալյանին, Արթուր Դանիելյանին, Ազատ Ադամյանին, Գրիգոր Մինասյանին: Այս պահին ակտիվիստներն ազատության մեջ են:


ՀԿ-ի անդամները բողոքի ակցիա են կազմակերպել Հայաստանում ԵՄ ներկայացուցչության մոտ:


«Սասնա Ծռերը» շարունակում են ՀՀ-ում իրականացնել հակառուսական քարոզ և ամենուր փնտրել «Մոսկվայի ձեռքը»: Ադեկվադ ՀԿ-ի անդամները հանդես են գալիս ՀՀ վարչապետ Նիկոլ Փաշինյանի և նրա թիմի կոշտ քննադատությամբ ու տարբեր ակցիաներ ու ֆլեշմոբեր են իրականացնում: Այդ ՀԿ-ի անդամներն ոչ մի կապ չունեն ՌԴ-ի հետ, սակայն «Սասնա Ծռերը» փորձում են ՀՀ այսօրվա կառավարության դեմ ցանկացած ակցիա կապել Մոսկվայի հետ, ինչը սխալ մոտեցում է և ոչ մի փաստարկ իր մեջ չի պարունակում:


Ծռերն իրենց հակառուսականության մեջ հասնում են աբսուրդի, երբ ՀՀ քաղաքացիներ ակտիվիստներին անվանում են ռուսական 5-րդ շարասյուն՝ սառը պատերազմին բնորոշ կլիշեներն այդ կուսակցության լեքսիկոնում հաճախ են հանդիպում: Նրանք իրենց գործունեության մեջ պայքարում են իրենց տերմինաբանությամբ Ռուսական կայսրության և ՀՀ-ում ռուսական կայսերական դիրքերի և շահերի ամրապնդման դեմ:


Այս անգամ պաշտպանելով ՀՀ-ում ԵՄ-ի դեսպանին, Ծռերը հերթական անգամ ցանկացան ցուցադրել իրենց գեոպոլիտիկ ուղղվածությունն ու հակառուսական պլատֆորմը, որպեսզի ստանան թե՛ ԵՄ, թե՛ ԱՄՆ-ի ֆինանսական աջակցությունը: Հակառուսականությունը հետխորհրդային տարածքում լավ է վճարվում ու տարբեր ուժեր փորձում են ստանալ Արևմուտքի ֆինանսա-քաղաքական աջակցությունը՝ ՌԴ-ի և հայ-ռուսական հարաբերությունների խորացման դեմ պայքարելու համար:


Հակառուսական պլատֆորմն ու հայ-ռուսական հարաբերությունների վնասող ակցիաները վտանգում են առաջին հերթին ՀՀ-ի ազգային անվտանգությունն ու Արցախը, քանի որ ՌԴ-ն ՀՀ-ի թիվ մեկ ռազմավարական դաշնակիցն է, հակակշիռն ընդդեմ ՆԱՏՕ-կան Թուրքիայի և ՀՀ զինված ուժերի ռազմա-տեխնիկական գլխավոր մատակարարն ու գործընկերը:


 

Նոր նշանակում՝ պետական պահպանության ծառայությունում. վարչապետը որոշում է ստորագրել
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար