Վրաստանում ՀՀ դեսպանն ու Բաթումիի քաղաքապետը քննարկել են երկկողմ համագործակցությունը

Մարտի 21-ին Վրաստանում ՀՀ դեսպան Ռուբեն Սադոյանը Գուրիայի տարածաշրջան և Աջարիայի ԻՀ աշխատանքային այցի շրջանակներում հանդիպել է Բաթումիի քաղաքապետ Լաշա Կոմախիձեի հետ։

Կողմերն անդրադարձել են երկկողմ կապերի և համագործակցության հետագա ընդլայնման հեռանկարներին։

Զրույցի ընթացքում քննարկվել է քույր քաղաքներ Բաթումիի և Վանաձորի համագործակցությանն առնչվող հարցեր և նշվել, որ պետք է զարկ տալ ապակենտրոնացված համագործակցությանը։

Զրուցակիցները կարևորել են առկա ամուր բարեկամական հարաբերությունների հետագա ընդլայնումը, մասնավորապես, տրանսպորտային հաղորդակցության, ենթակառուցվածքների բարելավման, ներդրումային ծրագրերին փոխադարձ մասնակցության, զբոսաշրջության, կրթամշակութային բնագավառներում:

Կողմերն անդրադարձան բաթումահայ համայնքի կարևոր դերակատարությանը, որն այն ունեցել Բաթումիի պատմության ողջ ընթացքում։