Հնդկաստանի բանակը Քաշմիրում կրակով է պատասխանել Պակիստանի գնդակոծումներին

Հնդկաստանը փետրվարի 28-ին «ուժգին եւ ազդու» պատասխան է տվել Պակիստանի կողմից Ջամուի եւ Քաշմիրի նահանգում հրադադարի ռեժիմի խախտմանը եւ բնակավայրերի գնդակոծմանը:

Հնդկական հրետանին կրակով է պատասխանել գնդակոծմանը, որը պակիստանցի զինվորականներն սկսել են տեղական ժամանակով առավոտյան ժամը մոտավորապես 06:00-ին: Փոխհրաձգությունը շարունակվել է շուրջ մեկ ժամ: Տուժածների մասին տեղեկատվություն չի ստացվել: