Փորձագետ. Վրաստանը չի անդամակցելու ՆԱՏՕ-ին

Վրաստանում վաղուց ոչ ոք չի հավատում Վրաստանի` ՆԱՏՕ-ին անդամակցության անհրաժեշտությանը: Այդ մասին հայտարարել է փորձագետ Վլադիմիր Խոմերիկին: 

Նա նշել է, որ ՆԱՏՕ-ի խոստումներն ուղղակի խայծ են Վրաստանի համար, սակայն դրանք վրացի ժողովրդին ոչ մի լավ բան չեն խոստանում:

Ըստ նրա, Վրաստանը չի անդամակցելու ՆԱՏՕ-ին, սակայն դա խաղ է` պահելու Վրաստանին կախվածության մեջ:

Նրա խոսքով, 2008թ.-ին ՆԱՏՕ-ն ոչ մի քայլ չարեց Թբիլիսիին աջակցելու համար, ՆԱՏՕ-ն ուղղակի օգտագործում է վրացի զինվորականներին իր անօրինական պատերազմներում:

Փորձագետը հավելել է, որ ՆԱՏՕ-ի գլխավոր պահանջներից է երկրի տարածքային ամբողջականություն, իսկ Վրաստանը 2008թ.-ին կորցրել է Հարավային Օսիան ու Աբխազիան: