Իրանը հիասթափված է ԵՄ-ի կողմից մահափորձերի եւ ահաբեկչական հարձակումների մեղադրանքներից

Ի պատասխան Դանիայում եւ Ֆրանսիայում իրադարձությունների պատճառով ԵՄ մեղադրանքներին՝ Իրանի ԱԳՆ-ն հայտարարել է, որ հիասթափված է եվրոպացիների հիմնազուրկ մեղադրանքներով եւ չհիմնավորված մտավախություններով:

«Չհիմնավորված մեղադրանքները, ինչպես Եվրոպայում մահափորձերը եւ ահաբեկչությունները, հիմնազուրկ են եւ սկզբից եւեթ զարմանալի: Մենք եվրոպացիների նման մեղադրանքներից եւ մտահոգությունից հիասթափված ենք, մինչդեռ բուն Եվրոպայում գործում են ահաբեկչական եւ հանցավոր խմբավորումներ»,- նշված է Իրանի ԱԳՆ հայտարարության մեջ, որը հրապարակվել է գերատեսչության պաշտոնական Telegram ալիքում:

Իրանի ԱԳՆ-ն հույս է հայտնել, որ ԵՄ-ն ահաբեկչության խնդրին «իրատեսական տեսակետով» կմոտենա՝ ի տարբերություն նրանց, ովքեր «երկակի ստանդարտներից» են օգտվում:

Պատասխանելով ԵՄ մտավախություններին՝ կապված իր հրթիռների ճշգրտությունն ու հեռահարությունը մեծացնելու Թեհրանի ձգտման հետ, Իրանի ԱԳՆ-ն հայտարարել է, որ Իրանի գործունեությունը կրում է բացառապես պաշտպանական, զսպող եւ ազգային բնույթ, եւ այս հարցը «երբեք չի եղել ու չի լինի մյուս երկրների հետ Իրանի բանակցությունների օրակարգում»: