29.03.2024
Մամուլ. «Մինչև աշուն հազիվ դիմանան». Փաշինյանի ու Ծառուկյանի հարաբերությունները լարվել են
prev Նախորդ նորություն

Նորություններ գործընկերներից

Արտադրության ոլորտում ներդրումներ են արվում. կապիտալ ներդրումները ՀՀ-ում շեշտակի աճել են

2018 թվականի հունվար-սեպտեմբերին, ըստ լայն տնտեսական դասակարգման (BEC), Հայաստան են ներկրվել 662.6 մլն դոլարի կապիտալ ապրանքներ (արտադրության կազմակերպման համար օգտագործվող սարքավորումներ և տեխնիկա)։


2017 թվականի նույն ժամանակահատվածի համեմատ՝ կապիտալ ապրանքների ներկրումն աճել է 260.6 մլն դոլարով կամ 64.8%-ով։ Այս մասին տեղեկանում ենք ՀՀ 2018թ. երրորդ եռամսյակի վճարային հաշվեկշռից, որը հրապարակել է Կենտրոնական բանկը։ Նախորդ տարվա միայն երրորդ եռամսյակում ներկրվել են մոտ 230 մլն դոլարի կապիտալ ապրանքներ, ինչը 2017 թվականի երրորդ եռամսյակի ցուցանիշը գերազանցում է 63.7 մլն դոլարով կամ 38.4%-ով։


Այս ցուցանիշը մեկնաբանել է նաեւ ՀՀ վարչապետ Նիկոլ Փաշինյանը: "Այս ցուցանիշի իմաստն այն է, որ Հայաստան են ներկրվել ապրանքներ, որոնք անհրաժեշտ են արտադրության կազմակերպման համար: 2018 թվականին ունեցել ենք տպավորիչ աճ, ինչը նշանակում է, որ արտադրության ոլորտում շոշափելի ներդրումներ են արվում", - գրել է նա իր Facebook-յան էջում:


Նկատենք, որ հունվար-սեպտեմբերին կապիտալ ապրանքների ներկրման աճն ամենաբարձրն է՝ մնացած ապրանքախմբերի համեմատ, գրում է b4b-ին։


Արդյունքում, կապիտալ ապրանքների կշիռը ներմուծման կառուցվածքում աճել է 4.4 տոկոսային կետով և 2018 թվականի հունվար-սեպտեմբերին կազմել 19.2%, որն աննախադեպ բարձր ցուցանիշ է վերջին տարիների կտրվածքով։


Նշենք նաև, որ նույն ժամանակահատվածում զգալիորեն աճել է նաև արտադրական պաշարների ներկրումը՝ 2017 թվականի հունվար-սեպտեմբերի 868.8 մլն դոլարից հասնելով 1 մլրդ 133.7 մլն դոլարի (2018թ. հունվար-սեպտեմբեր)։

Արմեն Գևորգյանը չի կալանավորվի
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար