Առանց անակնկալի. ԱԺ փոխնախագահներն ընտրվեցին

Հայաստանի Հանրապետության 7-րդ գումարման Ազգային ժողովի պատգամավորները փակ և գաղտնի քվեարկությամբ ընտրեցին ԱԺ փոխնախագահներին:

Քվեարկության արդյունքները որևէ անակնկալ չբերեցին՝ ԱԺ փոխնախագահներ են ընտրվել «Իմ քայլը» խմբակցությունից Ալեն Սիմոնյանն ու Լենա Նազարյանը, իսկ ընդդիմությունից՝ ԲՀԿ-ական Վահե Էնֆիաջյանը:

Ազգային ժողովի 132 պատգամավորներից քվեարկությանը մասնակցել է 130-ը:

Լենա Նազարյանի թեկնածությանը կողմ է քվեարկել 124, դեմ՝ 3 պատգամավոր, Ալեն Սիմոնյանի թեկնածությանը կողմ է քվեարկել 109, դեմ՝ 20 պատգամավոր:

Վահե Էնֆիաջյանի թեկնածությանը կողմ է քվեարկել 108 պատգամավոր:

Նշենք, որ ԱԺ երրորդ փոխնախագահի պաշտոնում առաջադրվել էր նաև Մանե Թանդիլյանի թեկնածությունը ԼՀԿ խմբակցությունից: Նրա թեկնածությանը կողմ է քվեարկել 19 պատգամավոր: