29.03.2024
ՀՀ-ն ռուսասկան ընկերության հետ $285-340 մլն-ի ներդրումային ծրագրի հուշագիր է ստորագրելու
prev Նախորդ նորություն

Նորություններ գործընկերներից

Ջավախքում Սալոմե Զուրաբիշվիլիի նախագահության հետ կապված դրական սպասումներ կան. Սանոսյան

Վրաստանի նախագահի պաշտոնը նոմինալ պաշտոն է, բայց Ջավախքում լավատեսորեն են տրամադրված և ակնկալում են, որ հայ-վրացական հարաբերությունները Սալոմ Զուրաբիշվիլիի օրոք ավելի կխորանան, իսկ Ջավախքի խնդիրները կլինեն իշխանությունների ուշադրության կենտրոնում: Այս մասին VERELQ-ի հետ զրույցում ասաց ԱԺ նախկին պատգամավոր, պատգամավորի թեկնածու Հայկ Սանոսյանը:

Նրա խոսքով, աբանդաբար Ջավախքի քվեն մեծամասամբ ստացել են իշխանության թեկնածուները՝ այն ակնկալիքով, որ տարածաշրջանի խնդիրներն ու հիմնահարցերը չեն անտեսվի: Ու թեև այս անգամ նախագահական ընտրությունները երկու փուլով տեղի ունեցան, ինչը մտահոգիչ ազդակ պետք է լինի վրաց իշխանությունների համար, բայց ջավախահայությունը վստահ է, որ հենց սրանով էլ պայմանավորված իշխանությունները կձգտեն առավելագույնս լուծել նրանց սոցիալական ու տնտեսական խնդիրները:

Ինչ վերաբերում է արտաքին հարաբերություններին, ապա ջավախեցի պատգամավորի թեկնածուն վստահ է, որ դրանք կտրուկ փոփոխություններ չեն կրի ու գոնե Հայաստանի հետ հարաբերություններում տհաճ անակնկալներ սպասել պետք չէ.

«Հայ-վրացական հարաբերություններն ավանդաբար բարձր մակարդակի վրա են եղել ու հատկապես վերջին քսան տարիներին խորացել ու զարգացել են տարբեր ուղղություններով ու ոլորտներում: Եվ ես կարծում եմ, որ Վրաստանի նոր նախագահի օրոք այս իրավիճակը չի փոխվի և տիկին Զուրաբիշվիլին Հայաստանի հետ բարիդրացիական կապերը զարգացնելու ակտիվ կողմնակից կլինի»,- ասաց նա:

Սանոսյանը նկատեց, որ արդեն նախկին նախագահ Մարգվելաշվիլիի օրոք էլ Ջավախքում շատ գործեր արվել են՝ ճանապարհաշինության, դպրոցների ու մշակութային կենտրոնների վերանորոգման, սոցիալական ապահովության ծրագրեր են իրականացվել և այլն: Բայց, բնականաբար, անելիք շատ կա.

«Մեր հիմնական մտահոգությունը, որ ես անձամբ բազմիցս բարձրաձայնել եմ, կապված է Հայաստանն ու Նինոծմինդան իրար կապող 25կմ միջպետական ճանապարհահատվածի հետ, որն անմխիթար վիճակում է: Ջավախք կատարած այցի ժամանակ վարչապետ Նիկոլ Փաշինյանը ևս ուշադրություն դարձրեց այդ խնդրին: Ջավախեցիները ամենօրյա կապի մեջ են հայրենիքի հետ և ենթակառուցվածքները կարևոր նշանակություն ունեն», -ընդգծեց նա:

Սանոսյանը նաև հավելեց, որ որքան էլ Վրաստանում նախագահի պաշտոնը նոմինալ լինի, բայց չկարևորել այդ պաշտոնը սխալ է, իսկ Սալոմե Զուրաբիշվիլիից ակնկալիքները դրական են:

Հիշեցնենք, Վրաստանի նորագույն պատմության մեջ առաջին անգամ Վրաստանի նախագահ է ընտրվել կին թեկնածու Սալոմե Զուրաբիշվիլին: Երկրում նախագահական ընտրությունները կայացել են հոկտեմբերի 28-ին և երկրորդ փուլով՝ նոյեմբերի 28-ին:


 


 

ՀԱՊԿ երկրների ղեկավարների հանդիպմանը Հայաստանը կներկայացնի վարչապետը. Արարատ Միրզոյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար