Ցուցումներն են եղել, որ մենք դպրոցին քարոզչությունից զերծ պահենք. ԿԳ նախարար

Ցանկացած մեկն, ով մասնակցում է ընտրությանը, նա մրցակից է և պետք է բոլորին էլ հավասարապես լուրջ վերաբերվել: Այսօր «Տարվա լավագույն ուսուցիչ, տնօրեն ու դաստիարակ» մրցանակաբաշխությունից հետո լրագրողների հետ ճեպազրույցում ասաց Կրթության և գիտության նախարարի ԺՊ Արայիկ Հարությունյանը՝ պատասխանելով հարցին, թե ՀՀԿ-ին ամենալուրջ մրցակից տեսնո՞ւմ է:

Լրագրողի դիտարկմանը, թե մինչև վերջին ընտրություններն ուսուցիչները որպես ձայներ բերելու տարբերակ են դիտարկվել, Հարությունյանը նշեց, որ կրթության վարչության պետերի հետ հանդիպել է և այս հարցով արդեն հրահանգներ է տվել:

«Ես մարզպետարանի վարչության պետերին, Երևանի քաղաքի վարչության պետերին հանդիպել եմ և հերթական ցուցումներն են եղել, որ մենք դպրոցին քարոզչությունից զերծ պահենք: Կարծում եմ՝ նախորդ ՏԻՄ ընտրությունների ժամանակ Երևանում և տարբեր քաղաքներում մենք այդ հարցը լուծել ենք»,- հավաստիացրեց նախարարի պաշտոնակատարը: