ՀՀԿ սխալների պատճառով է, որ ժամկետից շուտ իշխանությունը հանձնեցինք. Վիգեն Սարգսյան

Պաշտպանության նախկին նախարար Վիգեն Սարգսյանը, ով հավակնում է արտահերթ խորհրդարանական ընտրություններում գլխավորել ՀՀԿ նախընտրական ցուցակը, հերթական գրառումն է կատարել Facebook-ի իր էջում:

«Մեզ հաճախ են ասում. «բա լա՞վ էր, որ ձեր ժամանակ…»: ՀՀԿ-ն, անշուշտ, ունեցել է իր սխալները: Չի սխալվում միայն նա, ով ոչինչ չի անում: Նաև այդ սխալների պատճառով է, որ ժամկետից շուտ իշխանությունը հանձնել ենք բողոքի դուրս եկած մարդկանց մատնանշած թեկնածուին: Բայց արդյո՞ք իշխանությունն անցնցում հանձնելու պատասխանը պետք է լինի լյուստրացիան կամ նախկիններից թշնամու կերպարի կերտումը, ընտրովի արդարադատությունն ու սեփականության վերաբաշխումը: Վստահ եմ, որ ո՛չ: Այլապես ապագայի կառավարություններն ամեն գնով կկարճեն իշախնությունից` հիշելով և հիշեցնելով մեր օրինակը, համարելով, որ իշխանափոխությունն ինքնասպանություն է, կենաց-մահու կռիվ, այլ ոչ թե բնականոն գործընթաց»: