Frankfurter Allgemeine Zeitung. ՌԴ-ն կրկին ամրապնդում է իր դիրքերը Սիրիայում

ՌԴ-ի կողմից С-300 համակարգերի մատակարարումները Սիրիային բարդացնելու են Իսրայելի ու ԱՄՆ-ի միջամտությունը սիրիական հակամարտության մեջ, փոխանցում է Frankfurter Allgemeine Zeitung-ը:

Նշվում է, որ ՌԴ-ն կրկին ամրապնդում է իր դիրքերը Սիրիայում: Մոսկվան կարող է այդ զենքը կիրառել ամերիկյան ու իսրայելական ինքնաթիռների դեմ:

Այս իրավիճակից շահելու է Իրանը, ով ռուսական զենքի պաշտպանության ներքո կարող է ավելի ազատ գործել տարածաշրջանում: Վերջերս իրանական անօդաչուները հարված են հասցրել ԻՊ-ի ուժերին Սիրիայում`թռչելով Իրաքի տարածքով ու բարեհաջող վերադառնալով Իրան: