Փաշինյանի հրաժարականը հայոց պատմության ամենաճակատագրական սխալը կարող է լինել. քաղաքագետ

771

Վարչապետն ամեն հարցում հարցնում էր ժողովրդի կարծիքը, մանդատ խնդրում ամեն անգամ երբ այդ մանդատն ուներ: Հիմա ի՞նչ մանդատով է անտեսում ժողովրդի պահանջը` հրաժարական չտալ: Այս մասին Facebook-յան իր էջում գրել է քաղաքագետ Հայկ Մարտիրոսյանը:

«Ինչո՞ւ է լռեցնում ժողովրդին: Ո՞ւր է այդ մանդատը: Եվ եթե այն չի ստանում` ի՞նչ իրավունքով է իրեն ընտրած ժողովրդի քվեն ռիսկի տակ դնում:


Ինչո՞ւ հանկարծ դադարեց խորհրդակցելուց և ժողովրդի կամքին դեմ է գնում: Ժողովուրդը դեմ է այդ հրաժարականին: Դա հայոց պատմության ամենաճակատագրական սխալը կարող է լինել, որովհետև մեզ հայրենիք, իսկ իրեն` կյանք կարող է արժենալ»,- գրել է նա:


Նիկոլ Փաշինյանը հրաժարական է տալու վարչապետի պաշտոնից և եթե ԱԺ-ն երկու անգամ չկարողանա նոր վարչապետ ընտրել, ապա խորհրդարանը կցրվի: Ահա այս պլանը նա ներկայացրեց հանրահավաքում: Մինչ այդ ԱԺ-ում ընդունվել է օրինագիծ, որը էականորեն դժվարացնում է Ազգային ժողովը ցրելու կառավարության նախաձեռնությունը: 


Այլ կարծիքի է քաղաքագետ Ստյոպա Սաֆարյանը: Հոկտեմբերի 2-ին վարչապետ Փաշինյանը քաղաքական իրավիճակի կառավարման մաստեր կլաս ցույց տվեց: ՀՀԿ-ն, ԲՀԿ-ն, ՀՅԴ-ն չհասկացան էլ, թե ինչպես իրենց ձեռքով ԱԺ ընտրութունները մտցրեցին խորհրդարանի բակ: Այս կարծիքին է քաղաքագետ Ստյոպա Սաֆարյանը:


Նրա խոսվքով, ԱԺ արտահերթ ընտրություններն արդեն թակում է ԱԺ դուռը: “ԲՀԿ-ի ու ՀՅԴ-ի նախարարներին ուղղակի փողոցում պաշտոններից ազատելը այնպիսի մի անուն ունի, որը կանանց ու աղջիկների ներկայության պատճառով այստեղ չեմ տա: Դա այդ կուսակցությունների համար ինքնաոչնչացում էր: Բայց այդքանով մաստեր կլաս տեխնոլոգիան չավարտվեց: Նիկոլ Փաշինյանը հայտարարեց, թե Ծառուկյան դաշինիքի ու ՀՅԴ-ի հետ իր հանդիպումներից ինքը տպավորություն ունի, որ վարչապետի թեկնածու չեն առաջադրելու, ու եթե ինքը սխալ է հասկացել, ապա թող նրանք հերքեն կամ հաստատեն դա: Հրապարակային դատաստանից հետո ԲՀԿ-ն ու ՀՅԴ-ն երկու ճանապարհ ունեն. կամ հայտարարում են, որ Նիկոլը ճիշտ է հասկացել, իմա՝ Սերժ Սարգսյանի հանգույն հայտարարեն, որ Նիկոլը ճիշտ է, ըստ այդմ անուղղակի հայտարարեն, որ իրենք սխալ էին ու հասնում էր հրապարակային նվաստացումը, կամ հայտարարեն, որ իրենք սև են ու թեկնածու են առաջադրելու ժողովրդի դեմ, այսինքն ստանձնեն հակահեղափոխության դրոշը”, - նշում է նա:


Նրա խոսքով, Նիկոլ Փաշինյանն արդեն ապահովագրել է, որ հնարավոր է սխալ հասկացած լինի, ու այդ ուժերը պետք է խոսեն, թե ինչ են անելու: Փաշինյանին երկու տարբերակն էլ ձեռնտու է. եթե նրանք թեկնածու չեն առաջադրում, ՀՀԿ-ն միայնակ մնում է ժողովրդի ճնշման տակ, վարչապետի ընտրությունը երկու չէ, երեք նիստ կտապալվի: Եթե միանում են ՀՀԿ-ին, դաշտը կատաստրոֆիկ մաքրվում է ու այդ կուսակցությունները ժողովրդական նզովքի տակ լքում են քաղաքականությունը:


“Այսօր զրոյացան անգամ նրանց հեղինակության չնչին տոկոսները, ու նրանք արդեն բառացիորեն խարխափում են լուսանցքի այս ու այն կողմերի միջև: Փաշինյանը նաև հայտարարեց, որ նախագահ Արմեն Սարգսյանը խաղալու է ժողովրդի կողմից, հետևաբար նա մասն է դառնում հեղափոխությունն իր տրամաբանական ավարտին հասցնելու գործընթացի: Ոստիկանությանը, ՊՊԾ-ին, ԱԱԾ-ին, զինվորներին ծափերը նշանակում էին՝ ուժայինները ժողովրդի հետ են: Իսկ Փաշինյանի հռչակած ճանապարհային քարտեզի մասին խոսելն ավելորդ է”, - նշում է նա:


 


 


 

Տպել

Թեմայի այլ նորություններ
Загрузка...