ՌԴ նախագահ Վլադիմիր Պուտինը Հայաստան կժամանի պաշտոնական այցով. Բալայան

ՌԴ նախագահ Վլադիմիր Պուտինը Հայաստան կժամանի պաշտոնական այցով։ Այս մասին սեպտեմբերի 26-ին ճեպազրույցի ժամանակ հայտարարեց ՀՀ ԱԳՆ մամուլի քարտուղար Տիգրան Բալայանը։

Հաստատելով սպասվող այցի մասին տեղեկությունը՝ ԱԳՆ մամուլի քարտուղարը, այնուամենայնիվ, որեւէ հստակություն չմտցրեց։ Այցը նախատեսվում է մոտ ժամանակներս, թե երբ, Բալայանը չնշեց։

Պուտինի Հայաստան ժամանելու մտադրության մասին ավելի վաղ հայտնել էր նաեւ ՌԴ նախագահի մամուլի խոսնակ Դմիտրի Պեսկովը: Հիշեցնենք, որ սեպտեմբերի 25-ին Վլադիմիր Պուտինն այցելել էր Ադրբեջան: