Վրաստանը բարելավել է իր դիրքը Հանցավորության և անվտանգության ցուցիչում

Numbeo հետազոտական hայտնի կայքի կողմից հրապարակված տվյալների համաձայն՝ 2018 թվականին Վրաստանը բարելավել է իր դիրքը երկու աստիճանով և գրավել 5-րդ տեղը Հանցավորության և անվտանգության ցուցիչում։ Այս մասին տեղեկատվություն է տարածել Վրաստանի ԱԳՆ–ն:

Վրաստանում բարելավվել է անվտանության աստիճանը։ Numbeo-ի տվյալների համաձայն՝ հանցավորության ցուցիչը երկրում 20.35 միավոր է կազմում, իսկ անվտանգության ցուցիչը 79.65 միավոր։

2018 թվականին, նախորդ տարվա համեմատությամբ, հանցավորության և անվտանգության ցուցիչով համաշխարհային մասշտաբով իր դիրքը բարելավել է նաև Թբիլիսին՝ 19-ից բարձրանալով 16-րդ տեղը։
Թբիլիսիում հանցավորության ցուցիչը 19.81 միավոր է կազմում, իսկ անվտանգության ցուցիչը՝ 80.19 միավոր։