29.03.2024
Մուշեղ Սաղաթելյանը ենթարկվել է խոշտանգումների. մանրամասներ Մարտի 1-ի գործով ՄԻԵԴ վճռից
prev Նախորդ նորություն

Նորություններ գործընկերներից

Հունվար-օգոստոսին Հայաստանի տնտեսական ակտիվության ցուցանիշն աճել է 7.7 տոկոսով

2018 թվականի հունվար-օգոստոսին Հայաստանի տնտեսական ակտիվության ցուցանիշի աճը նախորդ տարվա նույն ժամանակահատվածի համեմատ կազմել է 7.7 տոկոս:


«Արմենպրես»-ի հաղորդմամբ, ՀՀ ազգային վիճակագրական ծառայության տրամադրած տվյալների համաձայն, արդյունաբերական արտադրանքի ծավալն աճել է 4.4 տոկոսով, շինարարության ծավալը՝ 8.5, առևտրի շրջանառության ծավալը՝ 9.7 տոկոսով: Զգալի աճ է գրանցվել ծառայությունների ոլորտում՝ կազմելով 18.9 տոկոս: Փոքր-ինչ նվազում է նկատվում գյուղատնտեսության ոլորտում. մասնավորապես, գյուղատնտեսության համախառն արտադրանքի ծավալը 2017 թվականի հունվար-օգոստոսի համեմատ նվազել է 1 տոկոսով:


Էլեկտրաէներգիայի արտադրության ոլորտում 2018 թվականի հունվար-օգոստոսի ցուցանիշը նախորդ տարվա նույն ժամանակահատվածի համեմատ աճել է 1.3 տոկոսով, սպառողական գների ինդեքսի ցուցանիշն աճել է 2.5 տոկոսով:


2018 թվականի հունվար-օգոստոսին Հայաստանում միջին ամսական անվանական աշխատավարձը կազմել է 168 հազար 467 դրամ, որը նախորդ տարվա նույն ժամանակահատվածի համեմատ աճել է 3.7 տոկոսով: Պետական հիմնարկներում միջին ամսական անվանական աշխատավարձն աճել է 1.8 տոկոսով, ոչ պետականինը՝ 3.7 տոկոսով:


Արտաքին առևտրաշրջանառության ծավալի աճն ընթացիկ տարվա առաջին 8 ամսում կազմել է 26.4 տոկոս. մասնավորապես, արտահանումը՝ 16.5 տոկոս, ներմուծումը՝ 32 տոկոս:


Դրամի փոխարժեքն ԱՄՆ դոլարի նկատմամբ 2018-ի հունվար-օգոստոսին կազմել է 482.01: Բոլոր բացարձակ ցուցանիշները ներկայացված են ընթացիկ գներով:


 

ԼՂ հակամարտության խաղաղ կարգավորման հարցը մշտապես ԱԺ ուշադրության կենտրոնում է. Բաբլոյան
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար