ՆԱՏՕ-ի գլխավոր քարտուղարի տեղակալն այցով կժամանի Վրաստան

ՆԱՏՕ-ի գլխավոր քարտուղարի տեղակալ Ռոուզ Գյոթեմյուլլերը սեպտեմբերի 21-ին այցով կժամանի Վրաստան, հայտնել է վրացական Առաջին ալիքը:

«Պլանավորված են դաշինքի գլխավոր քարտուղարի տեղակալի հանդիպումները Վրաստանի իշխանությունների ներկայացուցիչների հետ: Ռոուզ Գյոթեմյուլլերն առաջին անգամ Վրաստանում եղել է 2017 թվականի մայիսին», - ասված է ալիքի հաղորդագրության մեջ, որը հրապարակված է նրա կայքում:

Հեռուստաալիքի տվյալով՝ Գյոթեմյուլլերը Վրաստանում հանդիպումներ կանցկացնի երկրի իշխանությունների ներկայացուցիչների հետ: Այցի մնացած մանրամասները դեռ հայտնի չեն: