29.03.2024
Փաշինյանը պետք է ներողություն խնդրի ՀՀ քաղաքացիներից ու նաեւ մեզնից. Էդմոն Մարուքյան
prev Նախորդ նորություն

Նորություններ գործընկերներից

Ուզում եմ հավատալ, որ ընտրություններին վարչական ռեսուրս չի կիրառվի. Զոհրաբյան

Հաշված օրեր են մնացել մինչ Երևանի ավագանու ընտրությունները, կրքերը շարունակում են թեժանալ:

«Բարգավաճ Հայաստան» կուսակցության Երևանի քաղաքապետի թեկնածու Նաիրա Զոհրաբյանը Նոր Նորք վարչական շրջանում այսօր դարձյալ անդրադարձավ այն խնդրին, որ Երևանը ոչ միայն շարունակում են բաժանել սևերի և սպիտակների, այլև պետական ռեսուրսը դրվել է իր դեմ:

«Ես երբեք իմ մասին վատ կարծիքի չեմ եղել, բայց երբ պետական ողջ մեքենան կազմակերպված ձևով, պետության խնդիրները թողած, երեկ ամբողջ գիշեր և ամբողջ օրը այսօր համակարգված ձևով, նախարարություններով, կազմակերպություններով, ավագանիներով զբաղված են ինձանով, անկեղծ ասած` սեփական ինքնարժեքիս մասին կարծիքս էլի բարձրացավ», - հայտարարեց նա:

Զոհրաբյանի խոսքով, իրեն գրում են նախարարության աշխատակիցներ, անթաքույց և իրեն զարմացնում է ոչ միայն այն հանգամանքը, որ կանայք կարող են նման հայհոյանքներ օգտագործել, այլև այն, թե ինչքան պարապ են նախարարության աշխատակիցները: «Չէի մտածում, որ ամբողջ պետությունը, պետական ողջ ինստիտուտները, իրենց գործը թողած, սոցիալական ցանցերում պետական ողջ ռեսուրսների միջոցով վարձած ֆեյքերի միջոցով պատերազմ են հայտարարելու: Դա մեկ բանի մասին է խոսում` մենք ճշմարիտ ենք և ծրագրերը, որ մենք ներկայացնում ենք, շահել են ձեր վստահությունը, որ իրենք վատաբանելուց բացի որևէ այլ բան չունեն առաջարկելու»,-հայտարարեց նա` կոչ անելով հարգել երևանցուն, չվիրավորել նրան:

Նաիրա Զոհրաբյանը կրկնեց իր խոսքերը, որ քարոզարշավի գրեթե առաջին օրվանից ասել է`երևանցին ուզում է տեսնել իր խնդիրների լուծում և «Բարգավաճ Հայաստանը» դա հստակ գիտակցելով` հստակ ծրագրեր է նրան ներկայացնում: Բայց կարևորն այսօր այն է, որ մայրաքաղաքը չբաժանվի սևերի և սպիտակների, քանի որ այսօր ո’չ սև-սպիտակի խնդիր կա, ո’չ հերոսի և դավաճանի խնդիր կա, և ո’չ էլ դուխով-անդուխի խնդիր.

«Այսօր ինձ համար, որպես պատգամավորի, քաղաքացու և քաղաքապետի թեկնածուի, կա ընդամենը մեկ ջրբաժան, որն անցնում է Երևանի լուծված և չլուծված խնդիրների միջով»,- ընդգծեց նա:

Զոհրաբյանը նշեց, որ ուզում է հավատալ, որ այս ընտրություններին վարչական ռեսուրս  իշխանությունը չի կիրառելու, եթե կիրառեց՝ դա ամենամեծ հարվածն է լինելու այն լուսավոր հեղափոխությանը, որը ժողովրդին տվեց հավատ:


«ՀՀԿ-ի արած ամենավատ բանը եղել է այն, որ կոտրել են քաղաքացու հավատը, հույսը, սպանել քաղաքացուն, կա եզակի հնարավորություն նորից դառնալու քաղաքացի, պահանջատեր: Քաղաքը պետք է վստահել կնոջը, Երևանին մոր հոգատար ձեռքեր են պետք»,- ասաց նա:


Ի դեպ, քարոզարշավի ժամանակ, երբ Նաիրա Զոհրաբյանը ելույթ էր ունենում, նրան մոտեցավ մի տղամարդ, ներկայացավ որպես «Գրիգոր Լուսավորիչ» հիվանդանոցի աշխատակից ու տեղեկացրեց, որ բուժհաստատությունում կադրային խայտառակ ջարդ է սկսվել: Նա չմանրամասնեց, թե ինչ պատճառով են աշխատանքից ազատում հիվանդանոցի բոլոր աշխատողներին, բայց հորդորեց Զոհրաբյանին աջակցել լուծել այս խնդիրը: Պատգամավորը խոստացավ զբաղվել այդ խնդրով:

Պատերով կտանք. Փաշինյանի նոր «սպառնալիքը»
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար