Երևանից այլևս որևէ մեկը, որևէ լումա չի գողանալու. քաղաքապետի թեկնածու

569

Ես ամեն օր, ամեն ժամ լինելու եմ հասանելի երևանցու համար և ամեն պահի լինելու եմ նրա կողքին՝ ցանկացած ահազանգին ի պատասխան: Այս մասին Նուբարաշենում քարոզարշավի ժամանակ հայտարարեց «Բարգավաճ Հայաստան» կուսակցության Երևանի քաղաքապետի թեկնածու Նաիրա Զոհրաբյանը:


Նրա խոսքով՝ իր համար Երևանի հարցում մեծ և փոքր խնդիր չկա.


«Եթե կա խնդիր, ուրեմն քաղաքային իշխանությունը պարտավոր է լինել այդտեղ իր քաղաքապետով: Ես չեմ ունենալու թիկնապահներ, որովհետև երևանցու հետ թիկնապահի բարիկադներից չպիտի խոսեն: Ես ամեն օր ոտքով շրջելու եմ բոլոր փողոցներում, երևանցին է հուշելու, թե այս կամ այն խնդիրը ինչպես է ճիշտ լուծել, որովհետև ամեն օր երևանցիներն են այդ խնդիրներին բախվում»,- հայտարարեց նա:


Զոհրաբյանը նաև հայտարարեց, որ Երևանից այլևս որևէ մեկը, որևէ լումա չի գողանալու, ինքը «հարյուր անգամ ավելի պինդ ու ուժեղ է լինելու ուժային բոլոր կառույցներից՝ ոստիկանությունից, ԱԱԾ-ից».


«Երևանում ԱԱԾ պետք չի լինելու, որովհետև եթե քաղաքապետը անկաշառ է, եթե քաղաքապետին հնարավոր չէ կաշառել, ուրեմն իմացեք՝ նրանից ներքև որևէ մեկը չի համարձակվի անգամ մեկ լումա վերցնել»,- շեշտեց նա:

Տպել

Թեմայի այլ նորություններ
Загрузка...