ՌԴ-ից զենքի մատակարարումները ՀՀ-ին շարունակվելու են. Փաշինյանը պայմանավորվել է Պուտինի հետ

Ռուսաստանից սպառազինությունների մատակարարումները Հայաստանին կանոնավոր կերպով շարունակվելու են: Այս մասին «Коммерсантъ» թերթին տված հարցազրույցում հայտարարել է Հայաստանի վարչապետ Նիկոլ Փաշինյանը:

Փաշինյանը «Коммерсантъ»-ին տված հարցազրույցում խոսել է հայ-ռուսական հարաբերությունների, Ռուսաստանի Դաշնության նախագահ Վլադիմիր Պուտինի հետ ունեցած վերջին հանդիպման արդյունքների, ՀԱՊԿ-ի շուրջ իրավիճակի ու մի շարք այլ հարցերի մասին։

«Վլադիմիր Պուտինի հետ պայմանավորվել ենք, որ ռուսական սպառազինությունների մատակարարումները Հայաստան կանոնավոր կերպով շարունակվելու են», - ասել է վարչապետն ու հավելել, որ մատակարարումներն իրականացվելու են Ռուսաստանի տրամադրած ռազմական նշանակության վարկերով:

«Դրանք (մատակարարումները) կիրականացվեն վարկով, սակայն կքննարկվեն նաև այլ հնարավորություններ», - ասել է վարչապետն ու հավելել, որ հայ-ռուսական համագերծակցությունը ռազմա-տեխնիկական ոլորտում շատ կարեւոր է: «Դա շատ կարևոր համագործակցություն է, և ես կարծում եմ, որ մենք այդ ոլորտում ոչ մի խնդիր չենք ունենա»,- ասել է նա: