Սարկիսովները՝ ՌԴ ամենահարուստ ընտանիքների տասնյակում. Forbes

Forbes ամսագիրը հրապարակել էՌԴ ամենահարուստ ընտանիքների 2018թ. վարկանիշը, որով գնահատվում է խոշոր բիզնեսով զբաղվող նույն ընտանիքի բոլոր անդամների համատեղ կարողությունը:

Ռուսաստանի ամենահարուստ ընտանիքների ցանկում է ընդգրկվել նաև հայազգի գործարարներ Սերգեյ և Նիկոլայ Սարկիսովների ընտանիքը: Ըստ պարբերականի, Սարկիսով եղբայրներից յուրաքանչյուրը 750 մլն դոլար կարողություն ունի:1,5 մլրդ դոլար ընդհանուր ցուցանիշով Սարկիսովները զբաղեցրել են ՌԴ ամենահարուստ ընտանիքների վարկանիշի 6-րդ հորիզոնականը:

Սերգեյ Սարկիսովը «ՌԵՍՈ» ապահովագրական ընկերության տնօրենների խորհրդի նախագահն է, իսկ Նիկոլայ Սարկիսովը՝ «ՌԵՍՈ-Գարանտիա» խմբի գլխավոր տնօրենի տեղակալը: Սարկիսովներին է պատկանում ՝ «ՌԵՍՈ-Գարանտիա» խմբի բաժնետոմսերի հսկիչ փաթեթը, ինչպես նաև խոշոր անշարժ գույք արտասահմանում:

Նրանց է պատկանում 115 հա հող Մոնակոյում, 3 տուն Լոս Անջելեսում, Առևտրա-արդյունաբերական պալատի շենքը Փարիզում, առանձնատուն Լոնդոնում, դղյակ և այլ անշարժ գույք Ֆրանսիայում, բիզնես կենտրոն, 3 փենթհաուս և հողատարածքներ Վիլնյուսում: