Նեթանյահուն նախազգուշացրել է Իրանին

Իսրայելի վարչապետ Բենիամին Նեթանյահուն Իրանին նախազգուշացրել է, որ եթե Թեհրանը փորձի արգելափակել Կարմիր ծովի գլխավոր նեղուց Բաբ ալ-Մանդեբը, ապա, ամենայն հավանականությամբ, կբախվի միջազգային կոալիցիայի հետ, որում կներառվի Իսրայելը, հաղորդում է Reuters-ը:

«Եթե Իրանը փորձի արգելափակել Բաբ ալ-Մանդեբը, վստահ եմ, որ կբախվի միջազգային կոալիցիայի հետ, որը լի կլինի Թեհրանին դիմակայելու վճռականությամբ: Եվ այդ կոալիցիայում կներառվեն Իսրայելի բոլոր ռազմական ստորաբաժանումները»,- հայտարարել է Նեթանյահուն: