Թուրքիայի համար գլխավոր սպառնալիքը բխում է ԱՄՆ–ից

Թուրքիայի համար գլխավոր սպառնալիքը բխում է ԱՄՆ–ից։ Վաշինգտոնը լուրջ աջակցություն է ցուցաբերում քրդական անջատողականներին։ Անկարան իր տարածքային ամբողջականության պահպանման համար համագործակցում է ՌԴ–ի, Իրանի, Իրաքի, Սիրիայի, Չինաստանի հետ, ում նույնպես սպառնում է ԱՄՆ–ն։ Այդ մասին հայտնել է փորձագետ Մեհմեթ Փերինչեքը։

Նա նշել է, որ տարածաշրջանի ամենացավոտ խնդիրն անկախ Քրդստանի ստեղծումն է։

«Այն լինելու է Վաշինգտոնի պլացդարմը Մերձավոր Արևելքում ընդդեմ Թուրքիայի, Իրանի, Սիրիայի ու Իրաքի, ինչպես նաև ՌԴ–ի ու Չինաստանի, քանի որ ԱՄՆ–ի գլխավոր նպատակն է տիրապետել միջինասիական ռեսուրսներին ու դեպի դրանք տանող ուղիներին»,–հավելել է նա։