Ստավրիդիս. ԱՄՆ–ն իրեն չի կարող թույլ տալ կորցնել Թուրքիան

Սիրիայում ԱՄՆ–ի կարևորագույն ռազմավարական նպատակն` Իսրայելին աջակցելուն զուգահեռ, Թուրքիայի հետ հարաբերությունների պահպանումն է։ Այդ մասին հայտարարել է ծովակալ Ջեյմս Ստավրիդիսը։

Նրա խոսքով, ԱՄՆ–ն իրեն չի կարող թույլ տալ կորցնել Թուրքիան։ Թուրքերն ունեն ուժեղ և դիվերսիֆիկացված տնտեսություն, երիտասարդ ու աճող բնակչություն` ԱՄՆ–ի կողքին են եղել Երկրորդ համաշխարհայինից հետո ողջ ընթացքում։

Ստավրիդիսը նշել է, որ ԱՄՆ–ի պարտքն է քրդերի առջև մեղմել թուրքական գործողության հետևանքներն Աֆրինում ու թուլացնել լարվածությունը թուրքերի ու քրդերի միջև տարածաշրջանում։

Նա հավելել է, որ ԱՄՆ–ի ռազմավարական նպատակն է Թուրքիայի հետ դաշինքը ՆԱՏՕ–ում։